غرور...............

انا غروري فايق(ن) وصف واشعار
مغرورة(ن) حد الدلع والعنادي
غندورة(ن) مامثلها بالبشر صار
حورية(ن) عشاقها فـ ازديادي
جورية(ن) منها شذى عطرها غار
سلطانة(ن) يفدونها بالبلادي
نفسي وبمحدها على كيف مااختار
ياسكر(ن) معسول ياصوت شادي
ياغصن ياريان ياريح الازهار
يامسك يالولو وعنبر وكادي
انا طبوعي مشغله كل الافكار
اذهلت عاقل ابيض الوجه هادي
لي ذوق واسلوب وغنج ملفت انظار
ومعذب(ن) قلب الحسود المعادي
يبطون في وصفي والاوصاف تحتار
وكلن على وصفي يخبط الايادي
ماهمني مدح الطحاطيح الاحرار
عادي ولو زادو بيبقون عادي
لاني انا ست المدح والتكبار
وانا سحر بقلوبهم دوم غادي
وانا قصيده شاعر وحر صقار
وانا غرام العاشقين الشدادي
وانا ضلام الليل في وقت الاسحار
وانا شعاع الشمس لا صار بادي
فتنه لكون(ن) فيه الاخيار ندار
خلقني الله وشهرتي في تمادي